मुंबई :- मुंबई फिल्मसिटीत दिवसभरात अनेक चित्रपट, मालिकांचं शुटींग सुरू असते . पण शुटींग दिसतं तितक सोपं नव्हे. अनेक लोकांच्या मेहनतीनंतर एक सीन शुट केला जातो. पण याच शुटींग दरम्यान एक भीषण अपघात घडला आहे. चित्रनगरीत शुटींग सुरू असताना अचानक गाडीचा वेग वाढून हा अपघात घडला आहे. फिल्मसिटीतील खंडाळा रोड या लोकेशनवर ‘द गर्ल’ नावाच्या चित्रपटाचं शुटींग सुरू होतं. तर यावेळी एका भयानक स्टंटचं शुटींग सुरू होतं. ज्यात एक कार दूरवरून उडून पलटत खाली पडते असा सीन शुट होणार होता. मात्र कार सीन साठी सोडल्यानंतर तिने आपलं नियंत्रण गमावलं आणि थेट कॅमेरा रेलिंग, कॅमेरा मॅन आणि तिथे उपस्थित काही कर्मचारी व टेम्पोला येऊन धडकली.
