बोदवड तालुक्यातील घटना
बोदवड (प्रतिनिधी) : तालुक्यातील मुक्तळ गावातील माजी सरपंच जितेंद्र पाटील यांनी नुकतीच विषारी द्रव सेवन करीत आत्महत्या केली. अत्यवस्थ अवस्थेत त्यांना जळगाव येथे हलवल्यानंतर बुधवार दिनांक ३१ रोजी रात्री त्यांचा उपचारादरम्यान मृत्यू झाला.
मुक्तळ गावात जितेंद्र पाटील यांच्या मार्गदर्शनाखाली त्यांच्या पत्नी पल्लवी पाटील या विकासकामे करीत होत्या. विकासकामे करण्यासाठी लागणारे पैसे त्यांनी घरून खर्च केले व नातेवाइकांकडूनही पैसे घेतले. मात्र कामाचे बिल न निघाल्याने त्यांना नैराश्य आले व शेतीसाठीदेखील पैसा लागत असल्याने ते हतबल झाले. त्या तणावातून त्यांनी आत्महत्या केल्याचे ग्रामस्थ माहिती देत आहेत.
