अमळनेर तालुक्यात मंगरूळजवळ घडली होती घटना
अमळनेर (प्रतिनिधी) : तालुक्यातील मंगरूळ रस्त्यावर बस आणि दुचाकीमध्ये समोरासमोर झालेल्या अपघातात पत्नी जागीच ठार झाली होती. तर पती गंभीर जखमी झाला होता. शुक्रवारी पतीचा उपचारादरम्यान दुर्देवी मृत्यू झाला आहे. तर ३ मुले आईवडिलांच्या प्रेमाला पोरकी झाली आहे.
समाधान रुपसिंग पाटील (वय ५५, रा.खडके ता.अमळनेर) असे मयत इसमाचे नाव आहे. अपघातात त्यांच्या पत्नी अरुणा समाधान पाटील यांचा जागीच मृत्यू झाला होता.(केसीएन) तर जखमी समाधान यांना खाजगी रुग्णालयातून नंतर धुळे येथे पाठवण्यात आले होते. सव्वा महिना मृत्यूशी झुंज दिल्यानंतर जखमी समाधान पाटील यांनी प्राण सोडला. खडके येथे शोककळा पसरली आहे. त्यांच्या पश्चात दोन मुले आणि एक मुलगी असा परिवार असून आता आईवडिलांच्या प्रेमाला ती पोरकी झाली आहे.
