रावेर तालुक्यातील मोरव्हाल फाट्यापुढील घटना
रावेर (प्रतिनिधी) : सतापिंप्री, ता. झिरण्या येथून मालवाहू वाहन क्रमांक एम.एच.१९, बीएम ५८४५ने पालकडे येत असताना मोरव्हाळ फाटा ते पाल दरम्यान या वाहनाची धडक दुचाकीला बसली. त्यात वाहन उलटले. ही घटना दि. २० रोजी सकाळी ९ वाजता घडली. या अपघातात आठ जण जखमी झाले होते. त्यातील आरसिंग राजू डाबर (वय २७, रा. सतापिंप्री) याचा उपचार घेत असताना भुसावळ येथे दि. २१ रोजी मृत्यू झाला. या प्रकरणी वाहन चालक कान्हा मांगीलाल चव्हाण (रा. पाल) याच्यावर गुन्हा दाखल करण्यात आला आहे.
मालवाहू वाहन पालकडे येत होते. त्यावेळी त्याची धडक दुचाकी (क्रमांक एम.पी. ६८, एम. ८८२८) ला बसली. त्यामुळे मालवाहू वाहन उलटले. या अपघातात जिला मांगीलाल डाबर, अर्जुन करमसिंग डाबर, बुधन कुर्ता डाबर व दशरथ तुफान चव्हाण हे शेतमजूर, अंगूरबाई प्रताप राठोड आणि दुचाकीवरील रमेश व सियानीबाई बारेला (रा. झिर पांजऱ्या, ता. झिरण्या) हे जखमी झाले आहेत. या प्रकरणी मृताचा भाऊ भारसिंग राजू डाबर याने दिलेल्या फिर्यादीवरून गुन्हा दाखल झाला आहे.
