जिल्हा पोलीस दलाचा उपक्रम
जळगाव (प्रतिनिधी) : जागतीक महिला दिनानिमित्त जळगाव जिल्हा पोलीस प्रशासनाकडुन महिला दिन सप्ताह साजरा करण्यात आला. रविवारी शुक्रवारी दि. ८ मार्च रोजी सकाळी शहर वाहतुक शाखा, जळगाव येथून महिलांसांठी ३ किमी मोटर सायकल हेल्मेट रॅलीचे आयोजन करण्यात आले होते.
शहर वाहतुक शाखा कार्यालय पासुन कोर्ट चौक, नेहरु चौक, टॉवर चौक, चित्रा चौक, कोर्ट चौक मार्गे शहर वाहतुक शाखा कार्यालय येथपर्यंत हेल्मेट रॅलीचे आयोजन करण्यात आले होते. रॅलीमध्ये जळगाव जिल्हा पोलीस दलातील महिला अधिकारी/अंमलदार, पोलीस कुटुंबिय व शहरातील महिलांनी पारंपारीक वेशभुषा करून सहभाग नोंदविला. स्पर्धेला पोलीस अधीक्षक डॉ. महेश्वर रेड्डी यांनी हिरवी झेंडी दाखवुन स्पर्धेची सुरुवात केली.
सदर रॅलीमधुन ‘बेटी बचाव- बेटी पढाव”, “स्त्री शक्तीचा सन्मान’, ‘मुलगी शिकवा-देश घडवा”, “कौंटुबिक छळ हा अक्षम्य गुन्हा” असे वेगवेगळ्या प्रकारे महिला सशक्तिकरणाचा संदेश देण्यात आले. अपर पोलीस अधीक्षक अशोक नखाते, उपविभागीय पोलीस अधीकारी संदीप गावीत, पोलीस उप अधीक्षक (गृह) प्रमोद पवार, सर्व वरिष्ठ पोलीस निरीक्षक, जळगाव उपविभाग यांच्यासह महिला अधिकारी, अंमलदार उपस्थित होते. सदरची रॅलीचे यशस्वीतेसाठी पोउपनिरी. रेश्मा अवतारे व पोलीस वेल्फेअर टिम यांनी परीश्रम घेतले.
