जळगाव (प्रतिनिधी)- जळगाव जिल्ह्याचे नूतन पोलीस अधीक्षक एमसीव्ही महेश्वर रेड्डी यांनी आज दिनांक ४ फेब्रुवारी रोजी एम. राजकुमार यांच्याकडून पदाचा पदभार स्वीकारला आहे.
जळगाव जिल्हा पोलिस अधीक्षक एम. राजकुमार यांच्या बदलीचे आदेश दि. ३१ जानेवारी रोजी प्राप्त झाले होते त्यांची सोलापूर शहर पोलिस आयुक्तीपदी पदोन्नतीवर बदली करण्यात आली आहे. त्यांच्या जागी जळगाव पोलीस अधीक्षकपदी बृहन्मुंबई येथे पोलीस उपायुक्त असलेले एमसीव्ही महेश्वर रेड्डी यांची नियुक्ती आदेश शासनाचे सहसचिव व्यंकटेश भट यांनी काढले होते. त्यानुसार त्यांनी आज पदभार स्वीकारला.
