जळगाव (प्रतिनिधी ) धुळे तालुका पोलीस स्टेशनला दाखल गुन्ह्यातील लुटप्रकरणी आरोपीला ५ महिन्यानंतर एमआयडीसी पोलिसांनी अटक केली आहे.
सूत्रांनी दिलेली माहिती अशी कि , धुळे तालुका पोलीस स्टेशनला १८ मार्च २०२२ रोजी रोजी फिर्यादी पृथ्वीराज मानासराम पाटील रा. नकाने शाळा जवळ धुळे यांना तीन अज्ञात इसम यांनी मो.सा. वर येऊन कुठे चालले असा कारण विचारून चाकुचा वार करून फिर्यादी यास जखमी करून त्यांच्याकडून १६०० रुपये व विवो कंपनीचा सहा हजार किमतीचा असलेला मोबाईल असे चोरून गेल्यानंतर धुळे तालुका पोलीस स्टेशनला ३९४ प्रमाणे गुन्हा दाखल करण्यात आला होता. त्यात आरोपी अज्ञात व्यक्ती होते. त्यातील विवो कंपनीचा मोबाईल कंजरवाडा जखनी नगर जळगाव येथील राहणार गोपाल गोपी रावळकर वय २१ यांनी सदरचा मोबाईल चोरला असल्याची माहिती मिळाल्यानंतर एमआयडीसी पोलीस स्टेशनचे गुन्हे शोध पथकातील अमलदार पो.ना. इमरान सय्यद पो.का, गोविंदा पाटील यांनी सदर आरोपी यास कंजरवाडा येथून ताब्यात घेऊन त्याकडून गुन्ह्यातील गेलेला मुद्देमाल हस्तगत केला. आरोपी सदरचा गुन्हा आपले धुळे येथील साथीदार यांच्यासह केल्याचे कबूल केले आहे सदरचा गुन्हा हा पाच महिन्यानंतर उघडकीस आला आहे आरोपी यांना पुढील कारवाई साठी धुळे पोलीस यांच्या ताब्यात देण्यात आले आहे
