जळगाव तालुक्यात किनोद येथील घटना
जळगाव (प्रतिनिधी) :- तालुक्यातील किनोद येथील तरुणाने राहत्या घरी छताला गळफास लावून घेत आत्महत्त्या केल्याची घटना सोमवारी दि. २७ रोजी दुपारी २ ते ३ वाजेच्या दरम्यान उघडकीस आली. याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
लोटन पंडित बाविस्कर (वय ४०, रा. किनोद ता. जळगाव) असे मयत तरुणाचे नाव आहे. त्यांच्या पश्चात आई, वडील, पत्नी, २ मुले असा परिवार आहे. मिस्त्रीकाम करून ते परिवाराचा उदरनिर्वाह करीत होते.(केसीएन)दरम्यान, सोमवारी दुपारी घरी कोणी नसताना त्यांनी छताला गळफास लावून घेत आत्महत्या केली. त्यांच्या एका मित्राने फोन लावला. मात्र लोटन यांनी उचलला नाही. म्हणून त्यांनी लोटन यांच्या पत्नीला कळविले. तेव्हा लोटन यांच्या पत्नी घरी गेल्यावर हि घटना उघडकीस आली.
लोटन बाविस्कर यांना शासकीय वैद्यकीय महाविद्यालय व रुग्णालयात उपचारासाठी दाखल केले असता वैद्यकीय अधिकाऱ्यांनी तपासून मयत घोषित केले. यावेळी कुटुंबीयांनी मन हेलावणारा आक्रोश केला. यावेळी जळगाव तालुका पोलीस स्टेशनला अकस्मात मृत्यूची नोंद करण्यात आली आहे. घटनेमुळे किनोद गावावर शोककळा पसरली असून आत्महत्येमागील कारण अस्पष्ट आहे.
