चाळीसगाव तालुक्यातील तळोंदा दिगर शिवारातील घटना
चाळीसगाव (प्रतिनिधी ) – चरित्राचा संशयावरून संतापलेल्या पतिने आपल्या पत्नीच्या गुप्तांगात हात घालून मिरची पावडर टाकून तिचा कुऱ्हाडीने वार करून निर्घृण केल्याची धक्कादायक घटना २५ रोजी रात्री तालुक्यातील तळोदा दिगर येथे उघडकीस आली असून आरोपीला पोलिसांनी अटक केली आहे .
याबाबत अधिक माहिती अशी की, धुळे जिल्ह्यातील रोहिणी भोईटी येथील राजेश जगन पावरा बारेला (वय-२८) हा तरुण आपल्य पत्नीसोबत चाळीसगाव तालुक्यातील तळोंदा दिगर शिवारातील शेत गट क्रमांक ४५८ मध्ये वास्तव्याला होते. गेल्या अनेक दिवसांपासून पती-पत्नीमध्ये चरित्र्याच्या संशयावरून वाद सुरू होता. २५ सप्टेंबर रोजी रात्री साडेनऊ ते २६ सप्टेंबर सकाळी ६ वाजेच्या दरम्यान आरोपी राजेश जगन पावरा याने पत्नी शिवानी हिच्या चरित्रावर संशयावरून हातात मिरचीची पावडर घेऊन गुप्तांगात टाकून तिचा निर्घृन खून केला. हा प्रकार सकाळी उघडकीला आल्याने परिसरात खळबळ उडाली. या घटनेची माहिती मिळाल्यानंतर मेहूणबारे पोलिसांनी घटनास्थळी धाव घेऊन पंचनामा केला.
चाळीसगाव ग्रामीण रुग्णालयात मृतदेह हलविण्यात आला. पोलिसांनी संशयित आरोपी राजेश जगन पावरा याला अटक केले. याप्रकरणी शेत मालक रामेश्वर रूपचंद राठोड यांनी दिलेल्या फिर्यादीवरून संशयित आरोपी राजेश जगन पावरा बारेला याच्या विरोधात मेहुणबारे पोलीस ठाण्यात गुन्हा दाखल करण्यात आला आहे. या घटनेचा पुढील तपास सहाय्यक पोलीस निरीक्षक विष्णू आव्हाड करीत आहे.
दरम्यान मयत महिलेच्या पश्चात चार मुले असल्याची माहिती असून एक मुलगी तिच्या मामाकडे असून मोठा मुलगा एका नातेवाईकाकडे राहायला आहे .
