डीवायएसपी पिंगळेंची संकल्पना, रावेर पोलीस स्टेशनची वार्षिक तपासणी
रावेर (प्रतिनिधी) : पोलिसांना कायद्याचे किती ज्ञान यासाठी घेतलेल्या परीक्षेत रावेर पोलीस स्टेशनचे शिलेदार उत्तीर्ण झाले आहे. उपविभागीय अधिकारी कृष्णात पिंगळे यांच्या संकल्पनेतून हि परीक्षा घेण्यात आली. यात रावेर पोलीस स्टेशन येथील पोहेकॉ सुनिल वंजारी व पोकों रविंद्र भामरे यांनी ७७ यांना समान गुण प्राप्त करुन प्रथम क्रमांक पटकावला आहे.
भुसावळ उपविभागीय पोलीस अधिकारी कृष्णात पिंगळे यांच्याकडे फैजपूर उपविभागाचा पदभार आहे. त्यांनी रावेर पोलीस स्टेशनची सन २०२४-२०२५ या कालावधीतील वार्षीक तपासणी दि.२८ मार्च रोजी केली. यात पोलीस अधिक्षक महेश्वर रेड्डी व अप्पर पोलीस अधिक्षक अशोक नखाते यांच्या मार्गदर्शनाखाली पोलीस अंमलदार यांना नवीन कायदे अंमलबजावणी विषयक तरतुदी, परिपत्रके तसेच न्यायालयीन न्यायनिवाडे यांची अद्यावत माहिती मिळावी, या उद्देशाने फैजपूर उपविभागात सन २०२३ पासुन कार्यरत पोलीस अंमलदार यांची १०० गुणांची कायदेविषयक परिक्षा सरदार जी. जी. हायस्कूल येथे घेण्यात आली.
या परिक्षेत भारतीय न्याय संहिता २०२३-२५ गुण, भारतीय नागरिक सुरक्षा संहिता २०२३-२५ गुण, भारतीय साक्ष अधिनियम २०२३-१० गुण, महाराष्ट्र अधिनियम १९५१ किरकोळ कायदे पोलीस १० गुण, २० गुण, महाराष्ट्र पोलीस नियमावली १९५९-१० गुण असा १०० गुणांचा पेपर ठेवण्यात आला होता.(केसीएन)रावेर पोलीस स्टेशनचे पोलीस निरीक्षक डॉ. विशाल जयस्वाल, पिएसआय घनश्याम तांबे, मनोज महाजन, दिपाली पाटील यांनी परीक्षण केले. परिक्षेत रावेर पोलीस स्टेशनचे ५४ व निंभोरा पोलीस स्टेशनचे ०४ असे एकूण ५८ पोलीस अंमलदार परिक्षेसाठी उपस्थित होते. ५८ पोलीस अंमलदार यांचे पैकी रावेर पोलीस स्टेशन येथील पोहेकॉ सुनिल वंजारी व पोकों रविंद्र भामरे यांनी ७७ यांना समान गुण प्राप्त करुन प्रथम क्रमांक पटकावला आहे.
तसेच पोहेकॉ विष्णु भिल व रुपेशकुमार तोडकर यांनी ७४ असे समान गुण प्राप्त करुन द्वितीय क्रमांक मिळविला आहे. तसेच कल्पेश आमोदकर यांनी ७३ गुण प्राप्त करुन तृतीय क्रमांक मिळविला आहे. १६ पोलीस अंमलदार यानी ६० पेक्षा अधिक गुण मिळविलेले आहेत. पोलीस अंमलदार यांनी परिक्षेतील गुणानुक्रमे प्रथम तीन क्रमाकांना अनुक्रमे एक हजार, सातशे, पाचशे बक्षीसाची पोलीस अधिक्षक महेश्वर रेड्डी, अपर पोलीस अधिक्षक अशोक नखाते यांचे हस्ते गुणवंतांना बक्षीस देऊन सन्मानित केले जाणार आहे.
