जळगावातील सुप्रीम कॉलनी येथील घटना
जळगाव (प्रतिनिधी) : शहरातील सुप्रीम कॉलनीमध्ये एका कामगाराने छताला गाळफास लावून आत्महत्या केल्याची घटना सोमवार दिनांक 3 जून रोजी सकाळी आठ वाजेच्या सुमारास उघडकीस आली आहे याप्रकरणी एमआयडीसी पोलीस स्टेशनला अकस्मात मृत्यूची नोंद करण्याचे काम सुरू होते
राजन प्रसाद मौर्य (वय ३२, रा. सुप्रीम कॉलनी परिसर,जळगाव, मूळ रा. संत रविदास नगर, बदुही,उत्तर प्रदेश)असे मयत कामगाराचे नाव आहे. तो पूर्वी जळगावातील विविध कंपन्यांमध्ये काम करीत होता. सध्या महिन्याभरापासून त्याच्याकडे कुठलेच काम नव्हते. खोलीत तो एकटाच राहत होता. त्याच्या गावाकडे वडील, पत्नी, एक मुलगा, एक मुलगी असा परिवार आहे. सोमवारी दि. ३ जून रोजी मध्यरात्री १ वाजेनंतर कधीतरी त्याने त्याच्या खोलीमध्ये गळफास घेऊन आत्महत्या केली.
सकाळी ८ वाजता त्याच्या सोबतच्या कामगारांना तो बाहेर दिसून आला नाही, तेव्हा त्याच्या खोलीवर गेले असता तो दरवाजा उघडत नव्हता. या वेळेला नागरिकांनी एमआयडीसी पोलीस स्टेशनला माहिती दिली. पोलिसांनी दरवाजा तोडून पाहिले तर रंजन प्रसाद मौर्य हा गळफास घेतलेल्या अवस्थेत दिसून आला. त्यानंतर त्याचा मृतदेह शासकीय वैद्यकीय महाविद्यालय व रुग्णालय, जळगाव येथे दाखल केला असता वैद्यकीय अधिकारी डॉ. अमोल पाटील यांनी त्यास तपासून मयत घोषित केले. याप्रकरणी एमआयडीसी पोलीस स्टेशनला मृत्यूची नोंद करण्याचे काम सुरू होते.
