मुंबई ( प्रतिनिधी ) – आंदोलक कर्मचाऱ्यांना आंदोलन असेच सुरू राहील तर सेवा समाप्तीची कारवाई केली जाणार असल्याचा इशारा एसटी महामंडळाने दिला आहे.
परिवहन मंत्री अनिल परब यांनी गुरुवारी एसटी कर्मचारी कृती समितीबरोबर बैठक घेत कर्मचाऱ्यांच्या काही मागण्या मान्य केल्या. काही मागण्यांचा दिवाळीनंतर विचार करण्यात येईल अस स्पष्ट केल आहे. त्यानंतर एसटी कर्मचारी कृती समितीनेही आंदोलन मागे घेत असल्याच जाहीर केल. मात्र आजही राज्यात अनेक एसटी डेपोच्या ठिकाणी एसटी कर्मचाऱ्यांनी आंदोलनाचा पवित्रा घेतला आहे. एसटी कर्मचारी कृती समितीबाबत नाराजी व्यक्त करत आंदोलन मागे घेण्यास एसटी कर्मचाऱ्यांनी नकार दिला आहे. कर्मचाऱ्यांना आंदोलन असेच सुरू राहील तर सेवा समाप्तीची कारवाई केली जाणार असल्याचा इशारा एसटी महामंडळाने दिला आहे.
विशेषतः सोलापूर, कोल्हापूर, बीड, धुळे या जिल्ह्यांतील विविध एसटी डेपोच्या ठिकाणी एसटी कर्मचाऱ्यांच्या आंदोलनाचा जोर तीव्र आहे. राज्यात इतरही ठिकाणी तुरळक का होईना एसटी कर्मचाऱ्यांचे आंदोलन सुरु आहे. नगर जिल्ह्यातील शेवगाव डेपो मध्ये एसटी कर्मचाऱ्याने केलेल्या आत्महत्येमुळे आंदोलन करणाऱ्या कर्मचाऱ्यांच्या संतापात भर पडली आहे. आंदोलन किती दिवस चालणार याकडे सर्वाचे लक्ष लागून राहीलेलं आहे.
