जळगाव शहरातील दशरथ नगरातील घटना
जळगाव (प्रतिनिधी) : शहरातील दशरथ नगरात बंद घराचे कुलूप तोडून घरातून सोन्याचे व चांदीचे दागिने व रोकड असा एकुण ९ हजार रूपये किंमतीचा मुद्देमाल अज्ञात चोरट्यांनी चोरून नेल्याची घटना सोमवार दिनांक १ जुलै रोजी पहाटे ३ वाजता उघडकीला आहे. याप्रकरणी बुधवार ३ जुलै रोजी शनीपेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला.
नवनीत हिम्मत पाटील (वय ४०) हे कुटुंबासह दशरथ नगरात वास्तव्याला आहे. दिनांक ३० जुन रोजी ते कामानिमित्त बाहेर असतांना त्यांचे घर बंद होते. दरम्यान अज्ञात चोरट्यांनी त्यांचे बंद घराचे कुलूप तोडून घरातून सोन्याचे व चांदीचे दागिने आणि रोख रक्कम असा एकुण ९ हजारांचा मुद्देमाल चोरून नेला.
घरात चोरी झाल्याचे दिनांक १ जुलै रोजी पहाटे ३ वाजता उघडकीला आले. याप्रकरणी बुधवारी ३ जुलै रोजी शनीपेठ पोलीसात फिर्याद दिली. त्यानुसार शनीपेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला. पुढील तपास सहाय्यक फौजदार परिष जाधव हे करीत आहे.
