जळगाव (प्रतिनिधी) – जैन इरिगेशनचे संस्थापक पद्मश्री डॉ. भवरलालजी जैन यांच्या प्रती कृतज्ञता म्हणून त्यांच्या स्मृतिदिनी श्रद्धावंदन दिनाच्या औचित्याने भडगाव तालुक्यातील वाडे येथील उद्यान पंडीत राजेंद्र पाटील व परिवाराने ‘जुगलबंदी कीर्तनाची ‘ हा कार्यक्रम आयोजला आहे. कान्हदेशात पहिल्यांदाच जुगलबंदी कीर्तनाची हा कार्यक्रम प्रथमच होत आहे. 25 फेब्रवारी 2023 रोजी रात्री 8.30 ला ह.भ.प. मुक्ताबाई महाराज चाळक आणि ह.भ.प सौ. शिवानीताई चाळक यांची भक्तीमय कीर्तन जुगलबंदी रंगणार आहे. या कार्यक्रमास भाविकांनी उपस्थित रहावे असे आवाहन राजेंद्र पाटील यांनी केले.
जैन इरिगेशनचे उच्च कृषि तंत्रज्ञान, टिश्युकल्चर केळी रोपे, ठिबक सिंचन या तंत्रज्ञानाचा अवलंब करून केळीचे भरघोस पीक घेऊन उत्कर्ष साध्य केला. एकाच वेळी 11 ट्रक्स केळीची काढणी 28 ऑगस्ट 2008 ला श्रद्धेय भाऊंच्यास्ते पूजन करण्यात आले व तेथूनच पाटील परिवाराचा उत्कर्ष झाला. त्यांची यशोगाथा हावर्ड विश्वविद्यापीठात देखील सादर करण्याची संधी मिळाली. जैन इरिगेशन व भवरलालजी जैन यांच्याप्रती कृतज्ञता व्यक्त करण्यासाठी हा आगळा वेगळा कीर्तन जुगल बंदीचा कार्यक्रम आयोजित करण्यात आलेला आहे. पंचक्रोशीतील भाविकांनी उपस्थित रहावे असे आवाहन करण्यात आले.
