पोलीसांचा तगडा बंदोबस्त तैनात
जळगाव (प्रतिनिधी) : येथील शिवाजीनगर भागात रहिवासी असलेल्या माजी महापौर अशोक सपकाळे यांचे चिरंजीव राकेश अशोक सपकाळे यांचा रात्री 11:30 च्या सुमारास शिवाजीनगर भागातील स्मशानभूमीच्या पुढे उस्मानिया पार्क जवळ अज्ञात व्यक्तींनी धारदार शस्त्राने वार करून निर्घृण हत्या केल्याची घटना घडली आहे. याप्रकरणी शहर पोलिस स्थानकाचे कर्मचारी यांनी 2 जणांना ताब्यात घेण्यात आल्याची माहिती मिळाली आहे.
राकेश अशोक सपकाळे (वय 28) असे मयत तरुणाचे नाव आहे. या घटनेमुळे एकच खळबळ उडाली असून शहरात पुन्हा एकदा गुन्हेगारीने डोके वर काढले आहे. माजी महापौर अशोक सपकाळे यांचा मोठा मुलगा राजु उर्फ बाबू याचा गुरुवारी वाढदिवस होता. बँनर व फटाके आनुन भावाचा वाढदिवस जोरदार साजरा करु असी तयारी आटपून राकेश अशोक सपकाळे, लहान भाऊ सोनु अशोक सपकाळे व गाडी चालक सलमान हे तिघेही रात्री 11 वाजता हॉटेल अशोका पॅलेस येथून घरी शिवाजीनगर येथे निघाले होते.
शिवाजीनगरच्या स्मशानभूमीजवळ आल्यावर अज्ञात संशयित लाडू गँगच्या लोकांनी हल्ला चढविला. त्यावेळी राकेश याच्यावर मागून पुढून जबरदस्त वार झाल्यामुळे . त्याचा जागीच मृत्यू झाला तर सोनू सपकाळे याच्या हातावर वार होऊन जखमी झाला व चालक सलमान याने पण मध्यस्थी करण्याचा प्रयत्न केला.यावेळी सोनू सपकाळे यांची सोन्याची अंगठी व चेन घटनास्थळा वरुन गायब झाली असल्याची माहिती कळाली
आज राजु उर्फ बाबू याच्या वाढदिवसानिमित्त आज नवीन केटीएम टुव्हिलर गाडी अडीच लाखाची घेतली होती या गाडीचा पण हल्लेखोरांनी तोड फोड केली आहे. सदर ही घटना पूर्ववैमनस्यातून घडल्याचे सांगितले जात असून शिवाजी नगर, रेल्वे स्टेशनवर पोलिसांचा फौजफाटा तैनात करण्यात आला आहे.
आधी ओम क्रिटिकल नंतर देवकर कॉलेजमधील सिव्हिल रुग्णालयात राकेशला हलवण्यात आले. याठिकाणी भरपूर गर्दी जमा झाली आहे. रात्री उशिरापर्यंत शहर पोलीस स्टेशनमध्ये गुन्हा दाखल करण्याचे काम सुरु होते. घटनास्थळी पोलीस अधिक्षक डॉ. प्रविण कुमार मुंढे, उप पोलीस अधिक्षक कुमार चिंथा,स्थानिक गुन्हे शाखेचे पोलीस निरीक्षक किरण कुमार बकाले यांनी भेट देऊन घटनेची माहिती घेतली
प्राथमिक चौकशीत गणेश व भुर्या या दोन जणांनी धारदार शस्त्र व लोखंडी सळईने ही हत्या केल्याचे माहिती पोलिसांकडे प्राप्त झाली आहे. संशयितांच्या शोधार्थ शहर पोलिस ठाण्याच्या कर्मचाऱ्यांसह स्थानिक गुन्हे शाखेचे पथक कामाला लागले आहे
कालच शहरात कानळदा रस्त्यावर वृध्दाला चाकुचा धाक दाखवून सव्वाचार लाख रुपये लुटल्याची घटना ताजी असतानाच माजी महापौर अशोक सपकाळे यांचा मुलगा राकेश सपकाळे याच्या खुनाच्या घटनेने जिल्ह्यात खळबळ उडाली आहे.
