पाचोरा (प्रतिनिधी) : गो.से. हायस्कूल. पाचोरा येथे शिक्षक- पालक मेळावा आयोजित करण्यात आला.मंचावर शिक्षक पालक मेळाव्याच्या अध्यक्षस्थानी शाळेचे मुख्याध्यापक एन. आर. पाटील., उपमुख्याध्यापक आर. एल. पाटील, पर्यवेक्षिका ए .आर. गोहिल, ज्येष्ठ शिक्षिका संगीता एस. पाटील, प्रतिनिधी स्वरूपात एकनाथ पुंजू पाटील, महिलांमधून सुलभा सोनार उपस्थित होते.
पालक मेळाव्याची सुरुवात शाळेतील संगीत शिक्षक सागर थोरात व रुपेश पाटील यांनी इशस्तवनाने केली. कार्यक्रमाचे प्रास्ताविक आर. एल. पाटील यांनी केले. प्रास्ताविकात त्यांनी विद्यार्थी व शिक्षक यांच्यामधील पालक हा दुवा आहे व आपल्या पाल्याच्या शैक्षणिक प्रगतीसाठी पालकांची जबाबदारी यावर मार्गदर्शन केले. उपस्थित पालकांपैकी अमरसिंग चौधरी यांनी प्रातिनिधीक स्वरूपात पालकांतर्फे निवेदन केले. गो.से .हायस्कूल या विद्यालयाचा ” मुख्यमंत्री माझी शाळा-सुंदर शाळा “या उपक्रमात जळगाव जिल्ह्यातून द्वितीय क्रमांक प्राप्त झाल्याबद्दल संपूर्ण शाळा व कर्मचाऱ्यांचे अभिनंदन करण्यात आले. शाळेवरती पालकांचा असलेला विश्वास व सहकार्य कायमस्वरूपी राहील असे त्यांनी आपल्या मनोगतातून व्यक्त केले.
अध्यक्षीय भाषणात मुख्याध्यापक एन. आर.पाटील यांनी उपस्थित पालकांनी मांडलेल्या सूचना व समस्या या संदर्भात निराकरण व उपाययोजना करण्यात येईल व विद्यार्थी हा केंद्रबिंदू मानून विद्यार्थ्यांच्या शैक्षणिक प्रगतीसाठी शाळा व शिक्षक यांची बांधिलकी राहील असं आपल्या भाषणातून सांगितले. मेळाव्याचे सूत्रसंचालन आर बी बोरसे तसेच आभार प्रदर्शन रुपेश पाटील यांनी केले.
