जळगाव शहरात गोलाणी मार्केटजवळ भरदुपारी घटना
जळगाव ( प्रतिनिधी ) – शहरातील प्रतिष्ठित गोलाणी मार्केट येथे बुधवारी भर दुपारी २ वाजता एका तरुणाने दुसऱ्या तरुणावर जुन्या वादातून चाकूने वार करून त्याचा खून करण्याचा प्रयत्न केला. यावेळी मार्केटमध्ये कामानिमित्त आलेल्या एका पोलिसांने प्रसंगावधान राखून धावत जाऊन हल्लेखोराला ताब्यात घेतले. यामुळे तरुणाचे प्राण वाचले. त्याच्यावर खाजगी रुग्णालयात उपचार सुरू आहेत.
साई गणेश बोराडे (वय १८, रा. शंकरराव नगर, जळगाव) असे जखमी तरुणाचे नाव आहे. तो देवकर महाविद्यालय येथे डिप्लोमाचे शिक्षण घेत आहे. परिवारासह तो शंकरराव नगर येथे राहतो.(केसीएन)दरम्यान संशयित आरोपी शुभम रवींद्र सोनवणे (वय २५, रा. चौगुले प्लॉट,जळगाव) याच्याशी त्याचे जुने वाद होते. या शिवाय बुधवारी सकाळी देखील शुभम आणि साई यांचे एकमेकांशी किरकोळ कारणावरून वाद झाले होते. दुपारी गोलाणी मार्केट जवळ साई बोराडे हा आला होता.
तेव्हा गोलाणी जवळ आलेल्या संशयित आरोपी शुभम याने साईला पाहिले आणि त्याने चाकू काढून साई बोराडे याच्या उजव्या बाजूला चाकूने वार केला. तसेच डाव्या बाजूला देखील चाकू मारला. यावेळेला गोलाणी मार्केट येथे मोबाईलच्या कामानिमित्त आलेले एमआयडीसी पोलीस स्टेशनला कार्यरत पोलीस हवालदार रमेश बाबुलाल चौधरी हे घटनास्थळी धावले.
त्यांनी संशयित शुभम सोनवणे याला धरले आणि साई बोराडे याच्यावर आणखी वार होण्यापासून वाचवले. तात्काळ शुभम सोनवणे याला शहर पोलीस स्टेशनच्या ताब्यात दिले. तसेच जखमीला नागरिकांच्या मदतीने शासकीय वैद्यकीय बाहेर दिल्यावर रुग्णालयात उपचारासाठी हलवले.
या ठिकाणी प्रथमोपचार केल्यानंतर साई बोराडे याला खाजगी रुग्णालयात उपचारासाठी दाखल करण्यात आले आहे. दरम्यान घटनेची माहिती मिळाल्यानंतर शहर पोलीस स्टेशनचे निरीक्षक सागर शिंपी व त्यांचे कर्मचारी यांनी घटनास्थळी नाव घेतली. तसेच रुग्णालयात जाऊन जखमीबाबत विचारपूस करून संशयित आरोपीविषयी माहिती जाणून घेतली. शहर पोलीस स्टेशनला साई बोराडे यांच्या फिर्यादीवरून गुन्हा दाखल करण्याचे काम सुरू आहे. दरम्यान पोलीस हवालदार रमेश चौधरी यांच्या कार्यकर्तेचे पोलीस दलासह सर्व क्षेत्रात कौतुक होत आहे.
