जामनेर तालुक्यातील शेवगे पिंप्री येथील घटना
जामनेर (प्रतिनिधी) : येथून जवळच असलेल्या शेवगे पिंप्री गांवात सोमवारी सकाळी लघु वाहिनीचा, एलटी विज वाहिनीचा जिर्ण झालेल्या विज तार अचानकपणे तुटून दोन गायींच्या अंगावर पडल्याने त्या दोघ गार्गीचा जागेवर मृत्यु झालेला आहे. ही घटना गावात झालेली आहे.
ऐन रक्षाबंधनच्या शुभ दिनी वीज कंपनीच्या वीज तारानी मुक्या दोन गायीचा बळी घेतलेला आहे. शेवगे – पिंप्री गांवाला फत्तेपूर वीज उपकेद्रातून वीज पुरवठा केला जातो. सोमवारी सकाळी ठीक ७.५० वाजता शेवगे- पिंप्री गांवातील एलटी वीज वाहिनीचा जीर्ण झालेला वीज तार अचानकपणे तुटला आणि वीज तारा खालून जाणाऱ्या दोन गायीच्या अंगावर पडला. विजेच्या धक्क्‌याने दोघं गायीचा जागेवरच मृत्यू झालेला आहे.
छगन फत्तू मथुरे व गोपाल लालसिंग दमान दोघं गरीब ग्रामस्थांच्या दोन गायी मरण पावल्या आहेत. महावितरणच्या कर्मचाऱ्यांनी घटनास्थळी पाहणी केली. दोघं पशुधन मालकांना नुकसान भरपाई मिळावी व याठिकाणी कायस्वरूपी सहायक अभियंता मिळावा, शेतकऱ्यांच्या शेतात लोबकळत असणाऱ्या वीज ताराचा बंदोबस्त करण्याची मागणी परिसरातून होत आहे.
