चोपडा ग्रामीण पोलिसांची कारवाई
चोपडा (प्रतिनिधी) : विनापरवाना बनावट गावठी कट्टा व जिवंत काडतूस बाळगणाऱ्या अमळनेर येथील श्याम धनगर व चेतन धोबी या दोघांन तालुक्यातील लासूर ते सत्रासेन रस्ता येथून चोपडा ग्रामीण पोलिसांनी ताब्यात घेतले आहे.
ग्रामीण पोलिसांना मिळालेल्या गुप्त माहितीच्या आधारे लासूर ते सत्रासेन रस्त्यावरील फौजी ढाब्याजवळ दुचाकीवरून येणाऱ्या अमळनेर येथील ताडेपुरा येथे राहणारा अमळनेरातील पैलाडमध्ये राहणाऱ्या श्याम राजू धनगर (वय २१) व् चेतन उर्फ दत्तू किरण धोबी यांची पोलिसांनी झाडाझडती घेतली. या वेळी त्यांच्याकडे २५ हजाराचा गावठी बनावट कट्टा, ४ हजारांचे ४ जिवंत काडतूस, ३० हजाराची दुचाकी असा एकूण ५९ हजार रुपयांचा मुद्देमाल मिळाला या प्रकरणी पो.कॉ. विशाल पाटील यांच्या फिर्यादीवरून श्याम धनगर व चेतन धोबी या दोघाविरोधात चोपडा ग्रामीण पोलिसात गुन्हा दाखल करण्यात आला आहे.
