मुक्ताईनगर तालुक्यातील घोडसगाव येथील घटना
जळगाव (प्रतिनिधी) : स्थानिक गुन्हे शाखेच्या पथकाने कारवाई करत मुक्ताईनगर तालुक्यातील घोडसगाव येथील अर्जुन कोळी या संशयिताला गावठी कट्टा बाळगल्याप्रकरणी अटक केली आहे. त्याच्यावर मुक्ताईनगर पोलीस स्टेशनला गुन्हा दाखल करण्यात आला आहे.
संशयित अर्जुन कोळी (वय ३०, रा. घोडसगाव, ता. मुक्ताईनगर) हा गावठी कट्टा बाळगून दहशत निर्माण करण्याच्या उद्देशाने फिरत असल्याची माहिती मिळाली. त्यानंतर पुढील चौकशीमध्ये संशयित मुक्ताईनगर रोडवर असल्याची खात्रीशीर माहिती मिळाली. त्यानुसार पोलिसांनी तात्काळ कारवाई करत संशयित अर्जुन कोळी यास ताब्यात घेतले.(केसीएन) त्याची झडती घेतली असता त्याच्याकडे विनापरवाना बेकायदेशीररीत्या बाळगलेला सुमारे २० हजार रुपये किंमतीचा गावठी बनावटीचा कट्टा मिळून आला. याप्रकरणी मुक्ताईनगर पोलीस ठाण्यात गुन्हा दाखल करण्यात आला आहे. ही कारवाई एलसीबीचे पोलीस उपनिरीक्षक दत्तात्रय पोटे, पोह प्रितम पाटील, श्रीकृष्ण देशमुख, रविंद्र कापडणे, रविंद्र चौधरी यांनी केली. कारवाईसाठी पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते यांच्या मार्गदर्शनाखाली पार पडली.
