एरंडोल तालुक्यातील कढोली येथील घटना
जळगाव (प्रतिनिधी) : एरंडोल तालुक्यातील कढोली गावात एका तरुणाने गळफास घेऊन आत्महत्या केल्याची घटना मंगळवारी दि. २५ जून रोजी समोर आली आहे. याप्रकरणी एरंडोल पोलीस स्टेशनला अकस्मात मृत्यूची नोंद करण्याचे काम सुरु होते.
आनंदा रमेश अहिरे (वय ३९, रा. कढोली ता. एरंडोल) असे मयत तरुणाचे नाव आहे. तो गावात परिवारासह राहतो. मजुरी काम करून तो परिवाराचा उदरनिर्वाह करीत होता. सोमवारी दि. २५ जून रोजी दुपारी १ वाजेच्या त्यांनी गावातील खळ्यात गळफास घेऊन आत्महत्या केल्याचे दिसून आले आहे. ग्रामस्थांना समजताच त्यांना शासकीय वैद्यकीय महाविद्यलाय व रुग्णालयात दाखल केले असता त्यांना वैद्यकीय अधिकारी डॉ. स्नेहल दुगड यांनी तपासून मयत घोषित केले. यानंतर कुटुंबीयांनी एकच आक्रोश केला. दरम्यान, एरंडोल पोलीस स्टेशनला अकस्मात मृत्यूची नोंद करण्याचे काम सुरु होते.
