डॉक्टर संघटना आक्रमक प्रांताधिकारी यांना निवेदन
फैजपूर (प्रतिनिधी) – रावेर तालुक्यातील सावदा येथे गजानन हॉस्पिटलमध्ये झालेल्या तोड फोड प्रकरणी संशयित आरोपींच्या अटकेसाठी रावेर, यावल तालुक्यातील डॉक्टरांच्या संघटना आक्रमक झाल्या असून शनिवारी प्रांताधिकारी कैलास कडलग यांना निवेदन देण्यात आले. यावेळी महामंडलेश्वर जनार्दनहरी महाराज यांची उपस्थिती होती.
प्रांताधिकारी कैलास कडलग यांच्या दालनात जनार्दन महाराज यांच्या उपस्थितीत गजानन हॉस्पिटलचे डॉ सुनील चौधरी, डॉ अतुल सरोदे, डॉ व्ही.जे.वारके,डॉ भरत महाजन, डॉ विलास पाटील यांच्या सोबत इतर डॉक्टर उपस्थित होते. हॉस्पिटलमध्ये येऊन तोड फोड करणे, डॉक्टर, परिचारक यांना मारहाण करणे यामुळे डॉक्टरांचे मनोबल खचत आहे. संशयित आरोपी यांना तात्काळ अटक करावी व त्यांना कठोर शिक्षा करावी, अशी मागणी डॉक्टरांनी केली.
यावेळी प्रांताधिकारी कैलास कडलग यांनी सावदा पो.स्टे.प्रभारी अधिकारी राहुल वाघ यांच्याशी भ्रमणध्वनी द्वारे चर्चा करून घटनेची माहिती घेतली. या बाबत लवकरच आरोपींना अटक केली जाईल त्या दृष्टीने तपास करावा अश्या सूचना दिल्या.
यावेळी यावल रावेर तालुका वैद्यकीय संघटना,निमा शाखा सावदा फैजपूर,रावेर तालुका होमिओ पॅथी संघटना यांनी प्रांताधिकारी यांना निवेदन दिले. यावेळी डॉ. गुलाब पाटील, डॉ. श्रीकांत कुलकर्णी, डॉ. शैलेश खाचणे, डॉ.अतुल सरोदे, डॉ.व्ही.जे.वारके, डॉ चंद्रकांत चोपडे, डॉ. भरत महाजन,डॉ विलास पाटील, डॉ उमेश पिंपळे, डॉ शंतनु सरोदे, डॉ विशाल चौधरी, डॉ चंद्रशेखर पाटील, डॉ निलेश पाटील,डॉ संगीता महाजन,डॉ उमेश चौधरी यांच्या सह यावल रावेर परिसरातील डॉक्टर मोठ्या संख्येने उपस्थित होते.
