जळगाव ( प्रतिनिधी ) – वीज महावितरण कंपनीने वीज मीटरमध्ये फेरफार करून वीज चोरी करणाऱ्यांच्या विरोधात धडक मोहिम उघडली आहे. एरंडोल उपविभागात तीन महिन्यांपासून वीज चोरी करणार्यांविरोधात मोहिम उघडण्यात आली आतापर्यंत वीज चोरी करणारे मीटरमध्ये फेरफार करून 43, आकडे टाकून वीजचोरी करणारे 52 ग्राहक सापडले. या सर्व 95 ग्राहकांवर दंडाची कारवाई करण्यात आली आहे.
आतापर्यंत वीज चोरी करणार्यांविरोधात कारवाई होत नसल्याने त्यांचे फावले होते. वीज मीटर बायपास करणे, आकोडे टाकणे तसेच रीमोटद्वारे मीटर बंद करणे असे प्रकार सुरू होते वीज कंपनीने याला आळा बसण्यासाठी मोहिम सुरू केली आहे. मोहीम राबविण्यासाठी एरंडोल उपविभागाचे उपकार्यकारी अभियंता प्रशांत इंगळे, सहायक अभियंता प्रशांत महाजन, सहायक लेखापाल गोपाल चौधरी, ज्ञानेश्वर चव्हाण, रवींद्र चिंचोरे, भूषण मराठे, युनूस शेख आदी परीश्रम घेत आहेत.
