भुसावळ शहरात ऑर्डनन्स फॅक्टरी रस्त्यावर घटना
भुसावळ (प्रतिनिधी) :- शहरातील ऑर्डनस फॅक्टरी रोडवरील साईबाबा मंदिरासमोर दि. २० जून रोजी सकाळी ६:३० वाजण्याच्या सुमारास डुक्कर आडवे येऊन झालेल्या अपघातात दुचाकीस्वार तरुणाचा जागीच मृत्यू झाला. याप्रकरणी भुसावळ शहर पोलिस ठाण्यात अकस्मात मृत्यूची नोंद करण्यात आली आहे.
मंगेश दिलीप बिजागरे (वय ३५, रा. काशीराम नगर, भुसावळ) असे मयत तरुणाचे नाव आहे. तो कुटुंबियांसह राहत होता. मंगेशचा मृतदेह भुसावळ शासकीय रुग्णालयात दाखल करण्यात आला होता. अपघातामुळे भुसावळ शहरात शोककळा पसरली आहे. हवालदार गजानन बडगुजर पुढील तपास करीत आहेत.
