जळगाव (प्रतिनिधी) – जळगाव शहरातील दशरथ नगरातून एकाची दहा हजार रूपये किंमतीची दुचाकी अज्ञात चोरट्यांनी चोरून नेल्याची घटना घडली आहे. याप्रकरणी मंगळवार २० डिसेंबर रोजी दुपारी १ वाजता अज्ञात चोरट्यांविरोधात शनीपेठ पोलीस स्टेशनला गुन्हा नोंदविण्यात आला आहे.
याबाबत पोलीसांकडून मिळालेल्या माहितीवरून, राजू भागवत पाटील (वय – ५२) रा. दशरथ नगर, जळगाव हे आपल्या परिवारासह राहायला आहे. खासगी नोकरी करतात. १९ डिसेंबर रोजी त्यांनी त्यांची दुचाकी (एमएच १९ एएफ ४७९२) त्यांच्या घरासमोर लावलेली होती. मध्यरात्री अज्ञात चोरट्यांनी दहा हजार रूपये किंमतीची दुचाकी चोरून नेली आहे. त्यांनी दुचाकीचा सर्वत्र शोध घेतला परंतू दुचाकी कुठेही मिळून आली नाही. अखेर पोलीस स्टेशनला दिलेल्या तक्रारीवरून मंगळवारी २० डिसेंबर रोजी दुपारी १ वाजता शनीपेठ पोलीस स्टेशनला अज्ञात चोरट्यांविरोधात गुन्हा दाखल करण्यात आला आहे. पुढील तपास सहाय्यक फौजदार रघुनाथ महाजन करीत आहे.
