जळगाव तालुक्यातील शिरसोली येथील घटना
जळगाव (प्रतिनिधी) – तालुक्यातील शिरसोली शिवारात असलेल्या शामा फायर कंपनीमागील चभारदरी धरणात बुडून एका तरुणाचा मृत्यू झाल्याची घटना आज शुक्रवारी १५ सप्टेंबर रोजी दुपारी 2 वाजेच्या सुमारास घडली आहे. याप्रकरणी एमआयडीसी पोलीस स्टेशनला घटनेची नोंद करण्याचे काम सुरु होते.
सोनू उर्फ सोपान संजय महाजन (वय ,19 रा. शिरसोली प्र. न. ता. जळगाव) असे मयत तरुणाचे नाव आहे. शेतीकाम करतो. शुक्रवारी तो त्याच्या दोन मित्रासह चभारदरी धरणा जवळ गेले होते.यावेळी पोहण्यासाठी ते पाण्यात उतरले पोहत असताना पाण्याच्या अंदाज न आल्यामुळे सोनू उर्फ सोपान महाजन याचा बुडून मृत्यू झाला. यामुळे घाबरलेल्या दुसऱ्या मुलाने आरडाओरड केली. त्यावेळी ग्रामस्थ धावून आले. सोनू महाजन याला धरणाबाहेर काढून शासकीय वैद्यकीय महाविद्यालय व रुग्णालय, जळगाव येथे उपचारासाठी दाखल करण्यात आले असता तेथे वैद्यकीय अधिकाऱ्यांनी मयत घोषित केले.
दरम्यान, एमआयडीसी पोलीस स्टेशनला माहिती मिळताच घटनास्थळी कर्मचारी दाखल झाले. त्यांनी माहिती जाणून घेतली. त्यानंतर पोलीस स्टेशनला अकस्मात मृत्यूची नोंद करण्याचे काम सुरु होते. मयत सोनू महाजन हा मनमिळावू व चांगल्या स्वभावाचा असल्याने त्याच्या मृत्यूची वार्ता कळताच त्याच्या कुटुंबीयांनी एकच आक्रोश केला. रुग्णालयात नातेवाईकांची गर्दी झालेली आहे सोनू महाजन याच्या पश्चात आई, वडील, भाऊ, बहीण असा परिवार आहे. आज शगंजनशहा बाबा यात्रा उत्सव सुरू असताना सोनूची बातमी कळताच गावात शोककळा पसरली आहे.
