जळगाव तालुक्यातील धानवड येथील घटना
जळगाव ( प्रतिनिधी ) – तालुक्यातील धानवड येथे एका तरुणाने राहत्या घरी गळफास घेऊन आत्महत्या केल्याची धक्कादायक घटना मंगळवार दि. ६ जानेवारी रोजी दुपारी ३ वाजता उघडकीस आली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
तुकाराम महाराज जाधव (वय ३०, रा.धानवड ता. जळगाव) असे मयत तरुणाचे नाव आहे. त्याच्या पश्चात आई, वडील, तीन भाऊ असा परिवार आहे. सेंट्रींग काम करून तो उदरनिर्वाह करीत होता.(केसीएन)तुकारामची आई, वडील व दुसरा भाऊ हे पुणे जिल्ह्यात ऊसतोडीचे कामाला गेलेले आहेत. तर लहान भावासोबत तो राहत होता. मंगळवारी लहान भाऊ कंपनीत कामाला गेलेला असताना तुकाराम याने राहत्या घरी कोणी नसताना गळफास घेऊन आत्महत्या केली.
लहान भाऊ जेव्हा घरी आला तेव्हा त्याला ही घटना दिसली. त्याने ग्रामस्थांच्या मदतीने तुकाराम जाधव याला शासकीय वैद्यकीय महाविद्यालय व रुग्णालयात दाखल केले. तेथे वैद्यकीय अधिकारी यांनी तपासून मयत घोषित केले. यावेळी कुटुंबीयांनी शोक व्यक्त केला. तरुणाने नेमकी कोणत्या कारणास्तव आत्महत्या केली याबाबत समजू शकले नाही. एमआयडीसी पोलीस स्टेशनला अकस्मात मृत्यूची नोंद करण्यात आली आहे. तरुणाच्या मृत्यूमुळे धानवड गावात शोककळा पसरली आहे.
