भुसावळ ( प्रतिनिधी ) – प्लॉट एन.ए. करण्याच्या मोबदल्यात १० हजाराची लाच मागणाऱ्या भुसावळ प्रांताधिकारी कार्यालयातील अव्वल कारकून प्रतिभा मच्छिंद्र लोहार (वय-४०) यांना नंदूरबार लाचलुचपत विभागाच्या पथकाने आज रंगेहात पकडल्याने प्रशासकीय वर्तुळात खळबळ उडाली आहे.
भुसावळ शहरातील एका तक्रारदाराने प्लॉट एन.ए. करण्यासाठी भुसावळ प्रांत कार्यालयात प्रस्ताव सादर केला होता संशयित आरोपी अव्वल कारकून प्रतिभा मच्छिंद्र लोहार (वय-४०) यांनी कामाच्या मोबदल्यात १० हजार रूपयांची लाचेची मागणी तक्रारदार यांच्याकडे केली होती. त्यानंतर तक्रारदार यांनी नंदूरबार लाचलुचपत विभागाकडे रितसर तक्रार दाखल केली होती . त्यांच्या तक्रारीनुसार १७ सप्टेंबररोजी सापळा रचला गेला होता मात्र लोहार यांना संशय आला होता व त्यावेळी त्यांनी तक्रारदार यांच्याकडून लाच स्विकारली नव्हती . परंतू लाच मागितल्याचे सिध्द झाले होते. त्यानसार त्यांना मंगळवारी नंदूरबारच्या लाच लुचपत प्रतिबंधक खात्याच्या पथकाने ताब्यात घेतले. लोहार यांच्या विरोधात भुसावळ शहर पोलीस ठाण्यात गुन्हा नोंदविण्यात आला ही कारवाई नंदुरबार एसीबीच्या निरीक्षक माधवी वाघ व पथकांने केली.
