जळगाव ( प्रतिनिधी ) – शासकीय कामात अडथळा निर्माण करण्यासह दंगलीच्या गुन्ह्यात नऊ वर्षांपासून पोलिसांना हुलकावणी देणार्या आरोपीच्या जळगाव गुन्हे शाखेने अखेर गोपनीय माहितीवरून मुसक्या आवळल्या आहेत. शरद मिस्त्री ऊर्फ शरद निंबा चौधरी (रा.पंचमुखी चौक, बाहेर पुरा, पाचोरा) असे आरोपीचे नाव आहे.
21 मार्च 20212 रोजी पाचोरा पोलीस ठाण्यात गुन्हा दाखल होता. या गुन्ह्यातील आरोपी शरद मिस्त्री पोलिसांच्या हातावर तुरी देवून पसार झाला होता आरोपी पाचोरा शहरात आल्याची माहिती गुन्हे शाखेला मिळाल्यानंतर मंगळवारी त्याच्या मुसक्या आवळण्यात आल्या. आरोपीची वैद्यकीय तपासणी केल्यानंतर त्यास पाचोरा पोलिसांच्या ताब्यात देण्यात आले.
एएसआय अशोक महाजन, हवालदार लक्ष्मण पाटील, नाईक किशोर राठोड, रणजीत जाधव, श्रीकृष्ण देशमुख, कॉ विनोद पाटील, ईश्वर पाटील, चालक मुरलीधर बारी आदींच्या पथकाने ही कारवाई केली.
