चाळीसगाव ;- तालुक्यातील वरखेडे येथे सोमसिंग नथू कच्छवा यांच्या शेतात चाळीमध्ये बांधलेल्या पाच बकऱ्या वर रात्री बिबट्याने हल्ला केल्याने पाचही बकऱ्या मरण पावल्या. सकाळी आठ वाजता शेतात गेल्यावर त्यांच्या ही बाब लक्षात आली. त्यांनी चाळीच्या आजूबाजूला बिबट्याचे माग पाहिल्यावर त्यांची खात्री झाली की हे बिबट्याने केले आहे. विशेष म्हणजे पाच फुटापर्यंत चारही बाजूने चाळ बंदिस्त असल्यावरही बिबट्याने चाळीत उडी मारून पाचही शेळ्यांना ठार केले . याबाबत वनविभागास कळविण्यात आले आहे अशी माहिती सोमसिंग कछवा यांचे पुतणे चंद्रकांत कछवा यांनी दिली.
