पाचोरा पोलीस स्टेशनला तपासात यश
पाचोरा (प्रतिनिधी) : रेल्वे स्थानकावरील माल धक्क्यावरुन ९० हजार रुपयांच्या ६० खतांच्या गोण्या चोरीस गेल्या होत्या. सदरचा चोरीस गेलेला मुद्देमालासह संशयित एका आरोपीस पाचोरा पोलिसांनी ताब्यात घेत त्याचेविरुध्द गुन्हा नोंदविण्यात आला आहे.
पाचोरा रेल्वे स्थानकावरील माल धक्क्यावरुन दि. १३ मे रोजी सकाळी साडेदहा ते साडेबारा वाजेच्या दरम्यान ९० हजार रुपये किंमतीच्या सुफला कंपनीच्या खताच्या ६० गोण्या चोरीस गेल्या होत्या. पाचोरा पोलिसांनी या चोरीचा धडा लावत दि. २२ मे रोजी अक्तार शेख (रा. पाचोरा) यास ट्रक क्रं. एम. एच. १९ झेड ४६२४ त्यात असलेल्या ९० हजार रुपये किंमतीच्या खतांच्या ६० गोण्या यासह हस्तगत करण्यात आल्या आहेत. अक्तार शेख याचे विरुद्ध पाचोरा पोलिस स्टेशनमध्ये गुन्हा नोंदविण्यात आला आहे. या घटनेचा पुढील तपास निरीक्षक अशोक पवार यांच्या मार्गदर्शनाखाली पोहेकॉ राहुल शिंपी हे करीत आहे.
