चोपडा शहरातील घटना
चोपडा (प्रतिनिधी) : शहरातील अरुणनगर येथील रहिवासी असलेल्या ३५ वर्षीय तरुणाने राहत्या घरी छताच्या पंख्याला साडीच्या सहाय्याने गळफास घेत जीवनयात्रा संपवल्याची घटना २५ रोजी सकाळी १० वाजेच्या सुमारास उघडकीस आली. याप्रकरणी चोपडा शहर पोलीस स्टेशनला अकस्मात मृत्यूची नोंद करण्यात आली आहे.
सुनील दिलीप बडगुजर (वय ३५) असे मयत तरुणाचे नाव आहे. सुनीलच्या पश्चात पत्नी, २ मुली, आई, भाऊ असा परिवार आहे. सुनील बडगुजर हा प्लम्बिंगचा व्यवसाय करून उदरनिर्वाह करत होता. (केसीएन)दिनांक २५ रोजी सुनील घरी एकटाच होता. त्याच्या घरातील भाडेकरू यांनी सुनील अजून बाहेर का आला नाही, म्हणून सुनीलच्या घराचा दरवाजा ठोठावला. परंतु, त्यांनी दरवाजा उघडलाच नाही. त्यामुळे त्यांनी लागलीच फोन वरून सुनीलचे मोठे बंधू अनिल बडगुजर यांना ही माहिती सांगितली. त्यानंतर अनिल यांनी घराचा दरवाजा उघडला असता सुनीलने छताच्या पंख्याला साडीच्या सहाय्याने गळफास घेत आत्महत्या केल्याचे दिनांक २५ रोजी सकाळी १० वाजेच्या सुमारास उघडकीस आले.
त्यानंतर नातेवाईकांनी त्यांना चोपडा उपजिल्हा रुग्णालयात दाखल केले. परंतु, डॉ. स्वप्ना पाटील यांनी सुनीलला तपासून मृत घोषित केले. (केसीएन)डॉ. स्वप्ना पाटील यांच्या खबरीवरून चोपडा शहर पोलिसांत अकस्मात मृत्यूची नोंद करण्यात आली आहे. सुनीलने आत्महत्येसारखे टोकाचे पाऊल का उचलले, हे मात्र कळू शकले नाही.
