अमळनेर पोलीस ठाण्यातअकस्मात मृत्यूची नोंद
चांदणी कुऱ्हे,ता.अमळनेर (प्रतिनिधी) – चांदणी कुऱ्हे परिसरात राहणाऱ्या ३३ वर्षीय तरुणाचा संशयास्पद परिस्थितीत मृत्यू झाल्याची घटना रविवारी पहाटे उघडकीस आली. या प्रकरणी अमळनेर पोलीस ठाण्यात अकस्मात मृत्यूची नोंद करण्यात आली आहे.
मृत तरुणाचे नाव पंकज भगवान पाटील (वय ३३, रा. चांदणी कुऱ्हे) असे असून, तो घराच्या छतावरील लोखंडी कडीला दोरीच्या साहाय्याने गळफास घेतलेल्या अवस्थेत आढळून आला. ही घटना ३ मे २०२६ रोजी पहाटे सुमारे ५.३० वाजण्याच्या सुमारास घडली.
घटनेची माहिती मिळताच स्थानिक नागरिकांनी तात्काळ पोलिसांना कळवले. त्यानंतर पोलिसांनी घटनास्थळी धाव घेत मृतदेह ताब्यात घेतला व पुढील तपासासाठी ग्रामीण रुग्णालयात हलविण्यात आला.
या प्रकरणी अ.मृ. क्रमांक ४०/२०२६ नुसार भारतीय न्याय संहितेच्या कलम १९४ अंतर्गत नोंद करण्यात आली असून, मृत्यूचे नेमके कारण अद्याप स्पष्ट झालेले नाही. घटनेचा पुढील तपास पोलीस कर्मचारी राजेंद्र देशमाने हे करत आहेत.
