पाचोरा तालुक्यातील गोराडखेडा येथील घटना
सैय्यदीबाई भाया उर्फ भैय्या चव्हाण (वय ५२) असे मयत विवाहितेचे नाव आहे. पाचोरा तालुक्यातील गोराडखेडा येथे मध्यप्रदेशमधील कुसम्या येथील रहिवाशी होते. सैय्यदीबाई ही पती भाया उर्फ भैय्या चव्हाण (वय ५८) यांच्यासोबत चंद्रकांत पाटील यांच्या शेतात ती वास्तव्याला होती.(केसीएन)भाया उर्फ भैय्या चव्हाण हा तिच्यावर नेहमी चरित्र्याचा संशय घेत होता. या कारणामुळे त्यांचे सतत भांडण होत असे.
शुक्रवार दि. १५ रोजी मध्यरात्री १ वाजता पत्नी सैय्यदीबाई झोपलेली असतांना त्याने पत्नीच्या गळ्याला रूमाल आवळून तिचा निर्घृण खून केला. ही घटना उघड होताच पाचोरा पोलीस अधिकारी व कर्मचारी यांनी घटनास्थळी दाखल होवून पंचनामा केला. त्यानंतर शेतकरी चंद्रकांत काशिनाथ पाटील (वय ३२ रा. गोराडखेडा) यांनी दिलेल्या फिर्यादीवरून संशयित आरोपी भाया उर्फ भैय्या चव्हाण याच्या विरोधात पाचोरा पोलीस ठाण्यात गुन्हा दाखल करण्यात आले. पुढील तपास पोलीस निरीक्षक अशोक पवार हे करीत आहे.
