जळगाव एलसीबीची कामगिरी
जळगाव (प्रतिनिधी) : येथील स्थानिक गुन्हे अन्वेषण शाखेने दुचाकी चोरीच्या गुन्ह्यात भुसावळ येथील तरुणाला ताब्यात घेऊन अटक करण्यात आली आहे. त्याला पुढील कार्यवाहीसाठी जळगाव तालुका पोलीस स्टेशनच्या ताब्यात देण्यात आले आहे.
जळगाव जिल्हयांत मोठ्या प्रमाणात मोटार सायकल व सायकल चोरीचे गुन्हे होत असल्याने पोलीस अधीक्षक डॉ. महेश्वर रेड्डी यांनी स्थानिक गुन्हे शाखाचे वरिष्ठ पोलीस निरीक्षक यांना बबन आव्हाड यांना योग्य ते मार्गदर्शन करुन सुचना दिल्या. त्याप्रमाणे त्यांनी त्यांचे अधिनस्त पोहेकॉ कमलाकर बागुल, पोहेकॉ गोपाळ गव्हाळे, पोना/रणजित जाधव, पोकॉ/सचिन पोळ अशा पोलीस अंमलदार यांचे पथक तयार केले. त्यांनी दुचाकी चोरीबाबत माहिती काढली. मोटार सायकल चोरी करणारा आरोपी यांचे भुसावळ शहरातील शोध घेत असतांना संशयीत आरोपी अल्तमस गणी तडवी (वय २४, रा. मुस्लीम कॉलनी, बिस्मील्ला नगर, भुसावळ) याचे कडेस दोन मोटार सायकली चोरीच्या असल्याची माहिती मिळाली.
त्याचा भुसावळ शहरात शोध घेतला. तो भुसावळ शहरात राहत असलेल्या परिसरात मोटार सायकल क्र (एमएच ३० बीएच ८००२) हि चोरीची असून तो सदर मोटार सायकल घेवून फिरत होता. त्यास ताब्यात घेवून त्याचे घरुन पुन्हा एक चोरीची मोटार सायकल हस्तगत करण्यात आली असून सदर दोन्ही मोटार सायकली बाबत जळगाव तालुका पो.स्टे. व अडावद पो.स्टे. येथे गुन्हे दाखल आहेत. संशयित आरोपी अल्तमस गणी तडवी यास ताब्यात घेवून त्यास जळगाव तालुका पो.स्टे.येथे पुढील तपास कामी ताब्यात देण्यात आले आहे.
