पाचोरा तालुक्यातील घटनाप्रकरणी गुन्हा दाखल
पाचोरा (प्रतिनिधी) : तालुक्यातील नगरदेवळा ते आखतवाडे रोडवरील भरधाव ट्रॅक्टरच्या धडकेत पायी जाणाऱ्या वृद्ध महिला जोरदार धडक दिल्याने जागीच मृत्यू झाल्याची घटना दि. १९ फेब्रुवारी रोजी घडली. याप्रकरणी चौकशी अंति सोमवारी दि. २२ एप्रिल रोजी पाचोरा पोलीस ठाण्यात विनाक्रमांकाच्या अज्ञात ट्रॅक्टर चालकावर गुन्हा दाखल करण्यात आला आहे.
विमलबाई फकीरा बाशिंगे (वय-७१, रा. बदरखे ता. पाचोरा) असे मयत झालेल्या वृद्ध महिलेचे नाव आहे. विमलबाई बाशिंगे या महिला आपल्या परिवारासह वास्तव्याला आहे. दि. १९ फेब्रुवारी रोजी दुपारी ३ वाजेच्या सुमारास विमलबाई फकीरा बाशिंगे या आपला मुलगा परमेश्वर यांच्यासोबत पायी जात होत्या. त्यावेळी त्यांना विनाक्रमांकाच्या अज्ञात ट्रॅक्टरने जोरदार धडक दिली. या धडकेत त्यांचा जागीच मृत्यू झाला तर ट्रॅक्टर चालक ट्रॅक्टर घेऊन पसार झाला होता. या घटनेप्रकरणी चौकशीअंती अखेर पाचोरा पोलीस ठाण्यात विनाक्रमांकाच्या ट्रॅक्टरवरील अज्ञात चालकावर गुन्हा दाखल करण्यात आला आहे. पुढील तपास पोलीस उपनिरीक्षक कैलास पाटील हे करीत आहे.
