भडगाव शहरातील घटना
दत्तात्रय दौलत पाटील (वय ६०) हे जयहिंद कॉलनी भडगाव येथे राहतात. त्यांनी दिलेल्या फिर्यादीनुसार दि. ११ रोजी सकाळी ९ वाजेचे सुमारास दत्तात्रय पाटील व त्यांची पत्नी योजना पाटील असे भडगाव गावातच अंत्यविधीच्या कार्यक्रमासाठी गेले होते. अंतविधी झाल्यानंतर फिर्यादी हे मनोहर शंकर चौधरी यांच्यासह भातखंडे गावी द्वारदर्शनासाठी निघुन गेले. त्यांची पत्नी योजना पाटील या घरी निघुन गेल्या. त्यानंतर सुमारे ११ वाजेचे सुमारास फिर्यादीचा मुलगा व भाचा हे आमडदे येथे निघुन गेले व मुलगी ही सकाळी पाचोरा येथे क्लाससाठी निघुन गेली होती.
पत्नी योजना पाटील यांनी घराला कुलूप लावुन साडी घेण्यासाठी गेल्या. त्यानंतर सुमारे १२.३० वाजेचे सुमारास योजना पाटील घरी आल्या तेव्हा घरफोडी झाल्याचे दिसून आले. घराचे मुख्य दरवाज्याचे कुलुप तुटलेले असुन घरातील कपाटाचे व लॉकरचे कुलूप तोडलेले आहे व कपाटातील सामान खाली पडलेले असुन कपाटाच्या लॉकरमध्ये ठेवलेले ७० हजार रुपये चोरट्यांनी लांबवल्याचे दिसून आले.
या घटनेची माहिती मिळताच मनोहर शंकर चौधरी यांच्यासह फिर्यादी लागलीच घरी परत आले. त्यानंतर घराशेजारी राहणारे यांनी सांगितले की, एका मोटार सायकलवर दोन जण आले होते. त्याच्यावर पाठीवर बॅग होती आणि एकाने तोंडाला रुमाल बांधलेला होता. ते तुमच्या घराच्या बाहेर उभे राहिले होते. दरम्यान आम्ही व शेजा-यांनी आजुबाजुला शोध घेतला. सदर अज्ञात इसम मिळुन आले नाही, अशी माहिती फिर्यादीला मिळाली. याप्रकरणी भडगाव पोलीस स्टेशनला गुन्हा दाखल करण्यात आला असून पुढील तपास पो. हे.कॉ.विजय जाधव हे करीत आहे.
