जळगाव (प्रतिनिधी):- गोदावरी फाउंडेशन अंतर्गत व महाराष्ट्र आरोग्य विज्ञान विद्यापीठ नाशिक संलग्न डॉ. उल्हास पाटील कॉलेज ऑफ फिजिओथेरपी, जळगाव येथे बेसिक रिसर्च मेथडॉलॉजी या विषयावर तीन दिवसीय कार्यशाळेचे करण्यात आले.
या कार्यशाळेचे उद्घाटन डॉ. जयवंत नागुलकर, डॉ. चित्रा मृधा, डॉ. अनुराग मेहता, डॉ. आशीष पाटील आणि डॉ. प्रज्ञा शिंदे यांच्या हस्ते करण्यात आले.यावेळी डॉ. योगिता बावसकर (सहाय्यक प्राध्यापक, शासकिय महाविद्यालय जळगाव), डॉ. सचिन नरवडे (सहाय्यक प्राध्यापक, शासकीय आयुर्वेद महाविद्यालय, जळगाव), डॉ. मिलिंद कांबळे (सहप्राध्यापक, शासकीय आयुर्वेद महाविद्यालय, जळगाव) आणि डॉ. किरण मेंधे (सहप्राध्यापक, व्हीएसपीएम फिजिओथेरपी महाविद्यालय, नागपूर) इ मान्यवर उपस्थीत होते. या कार्यशाळेत संशोधनाची मूलभूत तत्त्वे, डेटा संकलन पद्धती, सांख्यिकीय विश्लेषण तसेच वैज्ञानिक लेखन या विषयांवर सखोल मार्गदर्शन करण्यात आले. सहभागी विद्यार्थ्यांनी चर्चासत्रे व प्रात्यक्षिक सत्रांमध्ये सक्रिय सहभाग नोंदवून संशोधन क्षेत्रातील महत्त्वपूर्ण ज्ञान आत्मसात करतांना आपल्या शंकाचे निरसन करून घेतले. ही कार्यशाळा डॉ. प्रज्ञा शिंदे व डॉ. दिव्या पाटील यांच्या मार्गदर्शनाखाली आयोजित करण्यात आली. या कार्यशाळेत पदव्युत्तर विद्यार्थी व कर्मचारी वर्गाने उत्स्फूर्त सहभाग घेतला. सदर कार्यशाळा डॉ.उल्हास पाटील कॉलेज ऑफ फिजिओथेरेपी जळगाव येथे पार पडली. या उपक्रमाचे सर्व उपस्थितांनी कौतुक केले असून यामुळे विद्यार्थी व शिक्षकांमध्ये संशोधनाबाबतची जिज्ञासा व कौशल्य वृद्धिंगत होण्यास मदत होणार आहे.कार्यक्रमाचा समारोप उत्साहपूर्ण वातावरणात झाला व सहभागींस त्यांच्या शैक्षणिक व क्लिनिकल कार्यात संशोधन पद्धतींचा प्रभावी वापर करण्याचे आवाहन करण्यात आले.
