पारोळा / अंमळनेर (प्रतिनिधी )– कोरोना रोगाच्या महामारीमुळे रोजगार बुडालेल्या अमळनेर शहरातील झोपडपट्टी भागातील तब्बल ५० कुटुंबांना अत्यावश्यक किराणा मालाचे वाटप करण्यात आले.युवकमित्र परिवार या आर.के.नगर भागातील झोपडपट्टी, धुळे रोड, तसेच मुंदडा नगर ड्रीम सिटी तसेच मंगरूळ एम आय डी सी मध्ये कामा निमित्त पर राज्यामधून आलेले आदिवासी व पावरे बांधव यांना अशा विविध भागात पन्नास गरीब कुटुंबाना किमान १० ते १५ दिवस पुरेल एवढे किराणा माल व रोज लागणारे साहित्य वाटप करण्यात आले.
आर के नगर युवकमित्र परिवाराचे जगदीश पाटील (महसूल विभाग पारोळा)यांच्या सह त्यांच्या मित्र परिवार योगेश सुर्यवंशी प्रवीण महाजन, शुभम प्रदीप पाटील, देवेंद्र पवार, सुनील शर्मा, चिन्मय पाटील निलेश पाटील योगेश पाटील जयेश पाटील, या युवकांनी एकत्र येत गरीब व गरजू कुटुंबाच्या झोपड्या शोधून त्यांना खाद्यतेल,तूरडाळ तांदूळ, मिरची पावडर, हळद पावडर ,बिस्किटे, मुरमुरे फरसाण असे जीवनावश्यक वस्तूचे वाटप केले. यावेळी रोजगार बुडालेल्या कुटुंबावर तसेच खास करून लहान मुलं व महिला यांच्या चेहऱ्यावर समाधान दिसुन येत होते.
कोरोना महामारीमुळे तब्बल महिनाभर संपूर्ण भारत देश बंद आहे. त्यामुळे मोलमजुरी करण्याऱ्या कुटुंबाचा रोजगार बुडालेला आहे. अशा कुटुंबावर उपासमारीची वेळ आली असल्याने किमान १० दिवस पुरेल एवढा किराणा माल वाटप केले. माणुसकीचे दर्शन दाखवत गरिबांना मदतीचा हात देण्याऱ्या पारोळा महसूलचे कर्तव्यदक्ष कर्मचारी जगदीश पाटील(पप्पू दादा)यांच्या सह योगेश सुर्यवंशी, शुभम पाटील, देवेंद्र पवार यांच्यासह संपूर्ण आर.के.नगर युवकमित्र परिवाराचे सर्वत्र अभिनंदन व करत असलेल्या कामाबद्दल पारोळा /अंमळनेर परिसरात कौतुक करण्यात येत आहे.
