डीएसपी चौकातील घटना, रामानंदनगर पोलिसांत गुन्हा दाखल
जळगाव ( प्रतिनिधी ) – शहरातील डीएसपी चौकात बारदान विक्रीच्या बहाण्याने एका व्यापाऱ्याची ६ लाख रुपयांची फसवणूक झाल्याची धक्कादायक घटना समोर आली आहे. याप्रकरणी रामानंदनगर पोलीस ठाण्यात तिघांविरुद्ध गुन्हा दाखल करण्यात आला असून पोलीस अधिक तपास करत आहेत.
जळगाव शहरातील प्रजापत नगर (शनीपेठ) भागातील रहिवासी आणि व्यावसायिक प्रकाश श्रीराम प्रजापत (वय ५०) यांना संशयित आरोपी रविंद्र तायडे आणि त्याच्या दोन साथीदारांनी बारदाना विक्रीचा व्यवहार करण्याचे आमिष दाखवले. हा व्यवहार दि. २३ जानेवारी २०२६ रोजी दुपारी ३ ते ५.३० वाजेच्या दरम्यान डीएसपी चौकातील सार्वजनिक ठिकाणी झाला. आरोपींनी फिर्यादी प्रजापत यांच्याकडून एकूण ६ लाख रुपये घेतले.
यात ५०० रुपयांच्या नोटांची २ बंडल (१ लाख रुपये) आणि २०० रुपयांच्या नोटांची ५ बंडल (५ लाख रुपये) असा समावेश होता. रक्कम घेऊनही बारदान न देता संशयितांनी प्रजापत यांची फसवणूक केली. फसवणूक झाल्याचे लक्षात येताच प्रकाश प्रजापत यांनी २ फेब्रुवारी २०२६ रोजी रामानंदनगर पोलीस ठाण्यात धाव घेऊन तक्रार दिली. या तक्रारीवरून आरोपी रविंद्र तायडे आणि त्याच्या दोन अनोळखी साथीदारांविरुद्ध फसवणुकीचा गुन्हा दाखल करण्यात आला आहे.
