जळगाव शहरातील कोल्हे हिल्स परिसरातील घटना
जळगाव (प्रतिनिधी) :- शहरातील कोल्हे हिल्स परिसरातील एका शाळेच्या बांधकामावर काम करीत असताना मजुराचा तिसऱ्या मजल्यावरून पडून गंभीर जखमी झाल्याची घटना मंगळवारी दि. २२ ऑक्टोबर रोजी दुपारी पावणे तीन वाजेच्या सुमारास घडली आहे. याप्रकरणी जळगाव तालुका पोलीस स्टेशनला घटनेची नोंद घेण्याचे काम सुरु होते.
सय्यद इकबाल अली लियाकत अली (वय ३६, रा. न्यू ख्वाजा नगर, पिंप्राळा हुडको, जळगाव) असे जखमी तरुणाचे नाव आहे. कोल्हे हिल्स परिसरात एका शाळेचे बांधकाम सुरु आहे. या बांधकामाच्या ठिकाणी तिसऱ्या मजल्यावर लिफ्टचे काम सुरु होते. दुपारी अडीच ते तीन वाजेच्या सुमारास अचानक काम सुरु असताना इकबाल अली याचा तोल जाऊन तो तिसऱ्या मजल्यावरून खाली पडला. या घटनेत त्याचा डाव हात फ्रॅक्चर होऊन शरीराला जबर मार लागला आहे.
कामावर असलेल्या इतर मजुरांनी त्याला इकबाल याला उपचारासाठी शासकीय वैद्यकीय महाविद्यालय व रुग्णालयात उपचारासाठी दाखल केले. त्याठिकाणी तत्काळ वैद्यकीय पथकाने उपचार सुरु केले. अतिदक्षता विभागात इकबाल अलीवर उपचार सुरु आहे. घटनेबाबत जळगाव तालुका पोलीस स्टेशनला नोंद घेण्याचे काम सुरु होते.
