पारोळा ( प्रतिनिधी ) – तालुक्यातील भिलाली येथील त्रेचाळीस वर्षीय इसमाने गावातील खळ्यात गळफास घेऊन आत्महत्या केल्याची घटना काल घडली .
भिलाली येथे काल पहाटे समाधान पाटील (वय ४२, रा भिलाली ) याने गावालगतच्या खळ्यात झाडाला दोरी बांधून गळफास घेत आत्महत्या केली त्याला गावातील लोकांनी खाली उतरून पारोळा कुटीर रुग्णालयात आणले असता डॉक्टरांनी मृत घोषित केले कैलास पाटील यांनी दिलेल्या खबरीवरून पारोळा पोलीस ठाण्यात अकस्मात मृत्यूची नोंद करण्यात आली आहे . तपास हवालदार नाना पवार करीत आहेत .
