जामनेर तालुक्यातील फत्तेपुर येथील घटना
जळगाव (प्रतिनिधी) : जामनेर तालुक्यातील फत्तेपुर येथील वयोवृद्ध ईसमाने विषारी औषध घेऊन आत्महत्या करण्याचा प्रयत्न केला होता. त्यांचा मृत्यू झाल्याची घटना बुधवार दि. ३ जुलै रोजी दुपारी अडीच वाजेच्या सुमारास घडली आहे. या प्रकरणी फत्तेपूर पोलीस स्टेशनला अकस्मात मृत्यूची नोंद करण्याचे काम सुरू होते.
राजाराम जगदेव शिंदे (वय ७७, रा. फत्तेपूर ता. जामनेर) असे मयत वयोवृद्ध इसमाचे नाव आहे. राजाराम शिंदे हे गावात पत्नी, एक मुलगा, एक मुलगी, सुना यांच्यासह राहत होते.(केसीएन) शेतमजुरी करून ते परिवाराचा उदरनिर्वाह करीत होते. दरम्यान गुरुवार दि. २७ जून रोजी रात्री त्यांना विषारी औषध प्राशन केल्यामुळे जळगाव येथील शासकीय वैद्यकीय महाविद्यालय व रुग्णालयात दाखल करण्यात आले होते.
उपचार सुरू असताना सहा दिवसांनी बुधवारी दि. ३ जुलै रोजी त्यांचा मृत्यू झाला आहे. यावेळी कुटुंबीयांनी एकच आक्रोश केला.(केसीएन)या प्रकरणी फत्तेपूर पोलीस स्टेशनला अकस्मात मृत्यूची नोंद करण्याचे काम सुरू होते.
