भुसावळ येथे झाला होता अपघात
जळगाव (प्रतिनिधी) :- भुसावळ शहरातील खडका चौकात सहा दिवसांपूर्वी झालेल्या दुचाकी अपघातात तरुण जखमी झाला होता. दरम्यान, सोमवारी २५ डिसेंबर रोजी जळगावातील खाजगी रुग्णालयात उपचार घेत असताना त्याचा मृत्यू झाला आहे. याबाबत जिल्हापेठ पोलीस स्टेशनला घटनेची नोंद करण्यात आली आहे.
रोशन देविदास मकारे (वय २२, रा. खडका रोड, भुसावळ) असे मयत तरुणाचे नाव आहे. तो १९ डिसेंबर रोजी घरी जात असताना रस्त्यात कुत्रा आडवा आल्याने एका अवजड वाहनावर धडकला होता. या अपघातात त्याच्या डोक्याला गंभीर मार लागला होता. त्याला उपचारासाठी जळगावातील एका खाजगी रुग्णालयात दाखल करण्यात आले होते. सहा दिवस मृत्यूशी झुंज देत असताना त्याचा सोमवारी दुपारी मृत्यू झाला.
यानंतर जिल्हापेठ पोलीस स्टेशनच्या कर्मचाऱ्यांनी त्याला शवविच्छेदनकामी शासकीय वैद्यकीय महाविद्यालय व रुग्णालयात आणले. रोशन मकारे याच्या पश्चात आई, वडील, भाऊ असा परिवार आहे. शिक्षण पूर्ण केल्यानंतर तो जॉबला लागला होता, अशी माहिती नातेवाईकांनी दिली.
