भुसावळ तालुक्यात घडली घटना
जळगाव (प्रतिनिधी) : भुसावळ येथील राष्ट्रीय महामार्गावर एका भरधाव सिमेंट टँकरने शुक्रवारी दि. २६ जुलै रोजी संध्याकाळी साडेसहा वाजेच्या सुमारास पादचारी वृद्धाला मागून धडक देत टँकर एका भंगाराच्या दुकानात जाऊन धडकले. यात वृद्धाचा जागीच मृत्यू झाला असून भंगार दुकानाचेदेखील नुकसान झाले आहे. दरम्यान, या घटनेप्रकरणी बाजारपेठ पोलीस स्टेशनचे कर्मचारी घटनेची माहिती घेत होते.
प्रमोद पांडे (वय ६५, रा. शिवदत्त नगर, भुसावळ) असे मयत वृद्धाचे नाव आहे. तो परिवारासह शिवदत्त नगरात राहत होता. राष्ट्रीय महामार्गावर असणाऱ्या बादशाह मोटर्ससमोर शुक्रवारी दि. २६ जुलै रोजी संध्याकाळी साडेसहा वाजेच्या सुमारास प्रमोद पांडे हे पायी जात असताना त्यांना मागून भरधाव सिमेंटच्या टँकरने धडक दिली. (केसीएन)त्यानंतर ते टँकर एका भंगार दुकानाला जाऊन धडकले. त्यात दुकानाचे मोठे नुकसान झाले आहे. तर वृद्ध प्रमोद पांडे यांचा जागीच मृत्यू झाला आहे. यात टँकरचे टायर फुटल्याची माहिती मिळाली आहे.
घटनेची माहिती मिळताच भुसावळ बाजारपेठ पोलीस स्टेशनच्या कर्मचाऱ्यांनी घटनास्थळी धाव घेतली होती. त्यांनी मृतदेह हा ट्रॉमा सेंटर येथे दाखल केला. घटनेच्या ठिकाणी नागरिकांनी मोठी गर्दी केली होती. तर टँकर पोलीस स्टेशनला जमा करण्याचे काम सुरु होते. पोलीस स्टेशनला अद्याप नोंद करण्याचे काम सुरु होते.
