चाळीसगाव (प्रतिनिधी) :- तालुक्यातील वाघळी गावाजवळ भरधाव कंटेनरच्या जोरदार धडकेत तरूण जागीच ठार झाल्याची घटना रात्री घडली आहे.
चाळीसगाव तालुक्यातील वाघळी येथील रोहिदास शंकर दांडगे, धनगर (वय-३९) यांना भरधाव कंटेनरने (क्र. डी.डी. ०१ एच ९४८४) जोरदार धडक दिली. यात ते जागीच ठार झाले. सदर घटना हि जळगाव – चाळीसगाव महामार्गावरील वाघळी गावाजवळ काल रात्री १० वाजेच्या सुमारास घडली आहे.
दरम्यान दिवाळीच्या दिवशी झालेल्या या घटनेमुळे गावांसह परिसरात दुःखाचा डोंगर कोसळला असून मयत रोहिदास शंकर लांडगे (धनगर) यांच्या पश्चात्य सहा वर्षाचा लहान मुलगा, मुलगी, पत्नी असा परिवार आहे.
