जळगाव ;- शहरातील सरकारी कर्मचाऱ्यांची पतपेढी ग.स.सोयायटीत एका कर्मचाऱ्याच्या नियमित वेतन श्रेणीत आदेशाचा बनावट व खोटा दस्त बनवून पतपेढीची फसवणूक करणाऱ्या माजी अध्यक्ष विलास नेरकर यांच्यासह तत्कालीन व्यवस्थापक संजय ठाकरे यांच्या विरोधात शहर पोलीस ठाण्यात गुन्हा दाखल करण्यात आला आहे.
दिलेल्या फिर्यादीत म्हटले आहे की, ग.स. सोसायटीवर ३ फेब्रुवारी २०२१ पासून प्रशासकाची नेमणूक करण्यात आली आहे. ग. स. सोसायटीमध्ये विलास यादवराव नेरकर हे अध्यक्षपदी असतांना फेब्रुवारी २०१९ मध्ये ३६ लिपीक व २७ शिपाई असे एकुण ६३ पदांची भरती करण्यात आली होती. त्यावेळी निवड झालेल्या पदांच्या नियुक्ती पत्रांवर तत्कालिन अध्यक्ष विलास नेरकर, तत्कालिन व्यवस्थापक संजय दत्तात्रय ठाकरे आणि प्रशासन अधिकारी जयंत साहेबराव साळुंखे यांच्या साक्षऱ्या होत्या.
