जळगाव ;- येथील एकाच रुग्णालयात पती आणि पत्नी उपचार घेत असून पाटील भेटण्यास गेलेल्या महिलेच्या पर्समधून १५ हजारांची रोकड लांबविल्याची घटना उघडकीस आली आहे.
याबाबत सूत्रांनी दिलेली माहिती अशी कि, शेंदूर्णी येथील रहिवासी अलका लोणे या पती मधूकर लोणे मुलाबाळांसह राहतात . मधूकर लोणे यांना कोरोना झाल्याने जळगावातील एका खासगी रुग्णालयात उपचारासाठी दाखल करण्यात आले होते. तसेच यानंतर त्यांच्या पत्नीचाही रिपोर्ट एकही दिवसानंतर पॉझिटिव्ह आल्याने त्यांनाही याच दवाखान्यात दाखल करण्यात आले होते. १२ मे रोजी पती मधूकर लोणे यांनी जेवण केले की नाही, याची विचारपूस करण्यासाठी अलका या आयसीयू रूममध्ये गेल्या असता तेवढयात त्यांच्या पर्समधील पंधरा हजार रूपयांची रोकड अज्ञात चोरटयाने चोरून नेली. पाच ते सहा मिनिटानंतर त्या त्यांच्या जागेवर आल्या असता, त्यांना पर्समधील रोकड गायब झालेली दिसून आली. हा प्रकार त्यांनी लागलीच मुलगी युवती हिला सांगितला व डॉक्टरांना सुध्दा घटना कळविली. अखेर युवती राहुल पाटील यांनी गुरूवारी रात्री शहर पोलीस ठाण्यात दिलेल्या तक्रारीवरून अज्ञात चोरटयाविरूध्द गुन्हा दाखल करण्यात आला आहे.
