जळगाव ;- शिवाजी नगर,जळगाव मधील म.न.पा. रुग्णालयातील मॅटरर्निटी होम (प्रसूतिगृह) पूर्ववत सुरू करणे संदर्भात धर्मरथ फाऊंडेशनचे अध्यक्ष विनायक पाटील यांनी घेऊन आरोग्य मंत्री राजेश टोपे यांना निवेदन दिले.
निवेदनात म्हटले आहे कि , प्रभागातील तथा शहरातील काही भागातील बर्याच गोर-गरीब महिला भगिणी शिवाजीनगर येथील म.न.पा रुग्णालयात प्रसुतीसाठी येत असतात,परंतु काही दिवसांपासून पासून येथील प्रसुती गृह काही कारण्स्तव बंद करण्यात आलेले आहे.शिवाजीनगर व आजूबाजूच्या परिसरातील लोकसंख्या बघता जवळपास एक लाख आहे,तसेच एवढ्या मोठ्या प्रभागांमध्ये महापालिकेचे हे एकमेव रुग्णालय आहे.या महापालिका रुग्णालयात फक्त प्रभागातूनच नव्हे तर ग्रामीण भागातील काही महिला भगिनी सुद्धा प्रसुती करिता येथे येत असतात.असे असताना देखील या लॉकडाउनच्या काळात मनपा रुग्णालयातील पुरेशा स्टाफच्या अभावी रुग्णालयातील प्रसूतिगृह बंद करण्यात आलेले आहे.त्यामुळे येथील महिला भगिनींना त्यांच्या प्रसूतीच्या वेळी अनेक अडचणींचा सामना करत खूप हालअपेष्टा सहन कराव्या लागत आहेत.शिवाजी नगर मधील नगरसेवक नवनाथ दारकुंडे व धर्मरथ फाऊंडेशनचे अध्यक्ष विनायक पाटील यांनी देखील यापुर्वी या विषयीचा पाठपुरावा करत जिल्हाअधिकारी यांना निवेदन दिलेले होते. परंतु कुठलाही प्रतिसाद प्रशासन कडून न मिळाल्याने.तरी आता धर्मरथ फाउंडेशन च्या माध्यमातून दिनांक 3 जून रोजी आरोग्य मंत्री मा.ना.राजेश टोपे यांना निवेदन देण्यात आलेले आहे कि आपण लवकरात लवकर या रुग्णालय पूर्ववत सुरू करावे अशी विनंती ती सर्व शिवाजीनगर वासी यांच्यातर्फे धर्मरथ फाउंडेशनच्या माध्यमातून आरोग्यमंत्र्यांना केलेली आहे.त्या वेळी ना. टोपे यांनी लवकरात लवकर प्रसूती गृह आम्ही चालू करू असे आश्वासन दिले.
