प्रभाग १६ मध्ये भाजपा उमेदवारांचा जोरदार प्रचार
जळगाव ( प्रतिनिधी ) – आगामी निवडणुकीच्या पार्श्वभूमीवर जळगाव शहराचे आमदार राजूमामा भोळे यांच्या प्रमुख उपस्थितीत भारतीय जनता पक्षाच्या उमेदवारांच्या प्रचाराचा आज सकाळी शानदार शुभारंभ करण्यात आला. प्रभाग १६ मधील उमेदवारांच्या विजयाचा संकल्प करत, नारळ वाढवून प्रचाराची अधिकृत सुरुवात करण्यात आली.
यावेळी आ. राजूमामा भोळे यांनी कार्यकर्त्यांना मार्गदर्शन केले. याप्रसंगी प्रभागातील भाजपचे अधिकृत उमेदवार प्रभाग १६ ‘ब’ – वंदना संतोष इंगळे, प्रभाग १६ ‘क’ – रंजना विजय वानखेडे, प्रभाग १६ ‘ड’ – सुनील वामनराव खडके यांच्या विजयासाठी कार्यकर्त्यांनी कंबर कसली आहे. विशेष म्हणजे, प्रभाग १६ ‘अ’ मधून बिनविरोध निवडून आलेले नगरसेवक डॉ. विश्वनाथ खडके यांची उपस्थिती होती.
प्रचाराच्या पहिल्याच दिवशी आमदार आणि उमेदवारांनी विविध परिसरांमध्ये जाऊन नागरिकांशी संवाद साधला. यामध्ये मनुदेवी मंदिर परिसर, अशोक नगर, शांतिनिकेतन सोसायटी, अजिंठा हौसिंग सोसायटी, सरदार वल्लभभाई पटेल नगर, रौनक कॉलनी, सदगुरू नगर, सिद्धिविनायक शाळा परिसर, अयोध्या नगर, हनुमान नगर, गणेश पार्क आणि कौतिक नगर या भागांचा समावेश होता. ठिकठिकाणी प्रभागातील बंधू-भगिनींनी उमेदवारांचे स्वागत केले. नागरिकांचा हा उस्फूर्त प्रतिसाद आणि मिळणारे प्रेम पाहून भाजपच्या गोटात उत्साहाचे वातावरण असून, विजयाची खात्री असल्याचे मत उमेदवारांनी व्यक्त केले आहे.
“प्रभागाचा सर्वांगीण विकास आणि जनसेवेचा वसा घेऊन आम्ही जनतेसमोर जात आहोत. आजचा प्रतिसाद पाहता आमचा विजय निश्चित आहे,” असा विश्वास यावेळी उपस्थित मान्यवरांनी व्यक्त केला. या प्रचार रॅलीला भाजपचे पदाधिकारी मंडळ अध्यक्ष विनोद मराठे, माजी नगरसेवक प्रदीप रोटे, सरचिटणीस किसान मराठे, प्रदेश कार्य सदस्य संतोष इंगळे, महानगर कोषाध्यक्ष विजय वानखेडे, मा मंडल अध्यक्ष सुनील सरोदे,मंडळ उपअध्यक्ष अनिल चौधरी, हितेश खडके, योगेश डोळे, चिटणीस पूजा सरोदे, सामाजिक कार्यकर्ते बाळा भाऊ सोनवणे, योगेश काळे, ललित चौधरी, विजय दीक्षित, एकनाथ भावसार, रुपेश सरोदे, अनिल पाटील, अनिकेत मराठे, चंदन महाजन, अजय नेमाडे, गलू काळे, ललित खडके, ज्ञानदेव नेमाडे, किशोर पाटील, मधुकर महाजन, निलेश खडके, गौरव खडके, विवेक चौधरी, हर्षल पाटील, सुदर्शन चलसे, ज्ञानेश्वर पाटील, हेमंत महाजन, कल्पना माळी, कुमुदनी चौधरी, जयंत इंगळे, वामन महाजन, नंदू पाटील, भूषण देवरे, प्रवीण वाणी, प्रवीण सोनार आदी कार्यकर्ते आणि स्थानिक नागरिक मोठ्या संख्येने उपस्थित होते.
